بقصرهم حرب تنعاد

بقصرهم حرب تنعاد بخطابة علي السجاد يا أيها الناس آنه الما عرفني امنين من جدمي للراس ابن الطاعن برمحين انطانا سته بس فضلنا بالسبعة السماحة والفصاحة والعلم شمعة الشجاعة والمحبة والحلم سمعة وانطانا النبي وحيدر وضوه البضعة حسبنا من المختار حسبنا من الطيار من عدنه صديق كلمة ماتصير اثنين لمهديها تطبيق ابن الطاعن برمحين انا ابن المن غدركم ماسلم ظهره يصلي والتربته وصلت الطبره اديكم نفس اديكم كتلت الزهره وابويه خيولكم داست على صدره شفتكم بدون إحساس بإيديكم فصلتوا الراس بغضا بحيدر لصدره الخيل اجت صوبين بعيونه كوثر ابن الطاعن برمحين وكت خلى ابن مكة والصفا بديوان واقف منكسر ماعنده بس نسوان على صوته وكلامه اهتزت الجدران من قال ابن زمزم منذبح عطشان عرفتوا العطش چتال نسيتوا برقبته عيال يامرخص الماي صار برگبته سچين من يقنع بهاي ابن الطاعن برمحين كل واحد اخذ دوره برسالة ومات من طه لحد عبدالله بالهيهات رسالتنه علينا احترقت الخيمات ملوك احنا وقبلنه بالخرابه انبات رسالة محمد هاي برضاته نرد حفاي برماد الخيام يكمل افتخار حسين وآنا اويه الايتام ابن الطاعن برمحين احنا اللي نحامي الناس من النار وانتم عاليتامه تشامرون حجار قميص حسين دوه المعلول والمحتار وسلبتوه وضل فوق الرمل طشار ابن قاطع الاصلاب و المفرق الاحزاب ضرب الخراطيم هوه الضارب بسيفين قسمها تقسيم ابن الطاعن برمحين انا ابن اللي ائتزر وارتدى بثوب إحرام مو يبقى بشمس عاري ثلثة أيام انا ابن اللي انتعل واحتفى للاسلام مو حفاي بناته وبيها حرق خيام تفرهن شماته بسوگ ترد تفتح الصندوگ والخيزرانه تلاعبها على الشفتين تعرف زمانه ابن الطاعن برمحين فرق ما بينك وبيني فرق ظهرك خيط امن الخيم ماقارنه بقصرك ذهب بيبانك وطغيانك وقدرك هذن كلهن حطب ينشافن بقبرك اذكرك منو الطاووس على اللي سحق عالروس طحن الرحى يصير والشاهد أحد وحنين من كل جهة يدير ابن الطاعن برمحين