إن شاء الله

ان شاء الله .. ماتعمى عيني حتى اشوف عيونكم ان شاء الله .. وبكل مسه أگعد واگول شلونكم ان شاء الله .. اني ام الاربعة دمعي يهل دوم أگول ان شاء الله كلشي سهل من بعد هالفرگة يلتم الشمل والمهم اوليدي يرجعلي عدل يومية للملگة استعد وانثر على السچة ورد باچر ضوة عيوني يرد ماعودوني اعله البُعد احوالكم .. نفس الملامح لو تغير لونكم احوالكم .. فدوتكم اني ولا عشت من دونكم ان شاء الله .. گلي من يمته يبو وجه السمح تجفي لا انتَ ولا طيفك يصح انتَ زين ان شاء الله ما منجرح هسه ميخالف جرح بس مو ذبح لا مو برد چفي رجف من الهجر جسمي ضعف من وگفتي جدمي نزف مارد خبركم ياوسف اخباركم .. ضاعت عليه وخايفة يغدرونكم اخباركم .. خير ومَسرة وبلكت ايوافونكم ان شاء الله .. بالسلامة ان شاء الله ماكو ألم سالم حسين وسلامتها الخيم مايطيح ان شاء الله الچف والعلم وبسلامة الجود من طاري السهم ابچي ويسولفلي الگلب ويگلي عينچ عالدرب يـأم الگُمر ماظل صعب باچر يجون من الغرب وبجاهكم .. مو عالرماح الوادم يشوفونكم وبجاهكم .. فوگ الاصايل حتى يتلگونكم ان شاء الله .. أدعي سلمهم يالهي من الخطر لا سهم يوصل ولا رمية حجر ماردت عالمشرعة كسرة ظهر والأخو بعد الأخو يكتله القهر لا أب يفارگله أبن لا والدة تشيب حزن لا اسمع ابثكلى تون ويلاه يدهري الما يحن شيجيبكم .. ها يالمشيتوا ماترف اجوفنكم شيجيبكم .. يبعدهم الله الرادوا ايبعدونكم ان شاء الله .. من يعود اوليدي وافرح بالخبر حتى اگولن الله لا رد السهر بيه بوسة خنصر وبوسة نحر بيه طيحة ظامي يم جاري النهر خلي يرد لو بس نفس ماساحگ بعظمه الفرس وبصدره ما واحد رفس ولسانه مو خشبه ويبس وادعيلكم .. يـ أحبابي خو ما رادوا ايعطشونكم وادعيلكم .. ماكو ظليمة ولا صهل ميمونكم ان شاء الله .. بالطريق ان شاء الله زينب لفت مو على الهزلة ابحمايتكم اجت للسبي اسم الله عليها ما مشت لا حبل بـ چفوفها ولا شيبت ماطلعت ابين الزلم لا سمعت اصياح وشتم والعدها كافل تنحشم مرتاحة ترجعلي المهم وبجالكم .. ترجع اميرة وچفها فوگ امتونكم وبجالكم .. محد يشوف اخيالها ام عونكم ان شاء الله .. ياهلا بيهم اجو وانه ركضت بس ابن حذلم نعى وانه أعثرت صوته هد حيلي وصرت يمه وطحت گلي ماتوا گتله حتى انا متت گلّي يـحـُرة المعذرة كلهم ضحايا اعله الثره وحسيـنچ انحز منحره واخت الكفيل اميسرة ونحوركم .. گلبي لچمني ويعلم ايذبحونكـم ونحوركم .. لكن بقيتّ اتأمل ايعوفونكـم إن شاء الله .. كلمات الشاعر | السيد عبد الخالق المحنة