هذا التعرفه البطحاء

هذا التعرفه البطحاء او تعرف ونينه هذا الحمل عاشوراء بجروح ادينه أدى الأمانه ابدمعه أدى الأمانه التراجم والسير ترويها شوف العين هشام ابحجته لاگى علي ابن احسين الأول بالحجر حار استلامه امنين الثاني انفرجت الأجله البشر صوبين بالهيبه موقف موسوم موقف توثق ألجم هشام ابهاليوم رد الفرزدق ظل ابمكانه ايسمعه ظل ابمكانه إبن عبدالملك تتشاخص ابصاره من هذا يگول ابنبرة انكاره الفرزدق صح لسانه او صدحت اشعاره لچن عندي وصف مختلفه أطواره وصف الفرزدق تعظيم بس وصفي ثاني بيه الخيالات اتهيم ابأقسى المعاني أسرد بيانه او أنعه أسرد بيانه من هذا أرد من زاويه أخرى او خل يسمع هشام او يشتعل گبره العرب ويه العجم تعرف هالتنكره هذا ابن التلطختوا ابدمه نحره تتجاهله او تعرف زين بس گلبك اعمه هذا النكرته ابن احسين شيذكرك اسمه ذاكه التفانى الشرعه ذاكه التفانى هذا اللي ذبحتوا ابكربله أهله او سمع صوت الأبو استنصر گبل چتله عليل او راد رغم العله يفزعله اعله سيفه اتعكز او گوه انتهض لجله هذا البقيه امن الآل الظل ابخيامه الحكمه اقتضت هذا الحال او تبقى الإمامه والباري صانه ابوضعه والباري صانه هذا البالخيم ظل والدمع يسفح لاچن فكره ظل يم الأبو يسرح عرف من عمته احسين ارتمى امجرح واستيقن ابركضتها ابتده المذبح هذا الأبوه اعله الگاع فاضح أمركم يوم اعله أقدس أضلاع اتربع شمركم الراس ابسنانه ايرفعه الراس ابسنانه هذا اللي خيامه ابناركم تلهب او خدر عماته صار اگباله يتسلب هذا المن دنت نوگ السبي استصعب يركب لو يركب عمته زينب هذا التعمدتوا ايطوف حادي السبايا ابضعنه او نساوينه اتشوف اجسوم الضحايا اليوث الديانه صرعى اليوث الديانه هذا ابن النبي التتستر ابدينه هذا اللي سبيتوه ابنساوينه إبن مرجانه بالكوفه اشوقح عينه وابن هند اليدخلهن دواوينه هالهاشمي ابعقر الشام ذل آل اميه وين الثرى يا ظلام من الثريه ايزيد او كيانه ايصدعه ايزيد او كيانه شنهو يا هشام او أكثر اتريده عرفته لو مسافة شوفته ابعيده ابعيونك ما لمحت آثار البإيده او أثر للجامعه الأكلت لحم جيده هذا المشى بالأصفاد والرب يشرفه زين العباد السجاد حتما تعرفه صاحب مكانه او رفعه صاحب مكانه