أكو يمشي

أكو يمشي أكو يركض أكو يوصل زحف أكو حجه اكو عمره أكو خطوه ابألف مابقالك عذر إمشي واحسب أجر عد خطوات وبكربله الحاصل أكبر فوز ينتظرك الكافل يالمشاي اي والله تستاهل تشرب ماي من جف ابو فاضل شد إحزام وتوضه وتوكل نفس الفوز التالي والأول ذاك إحسين ينتظرك أو يسأل وين فلان هاي السنه طول تره يسأل على شخصك ولا ينسه أحد عسه ماشر ونا أعرفك ولا تخلف وعد يالله لاتنتظر إمشي واحسب أجر هذا اليوم هنياله من وفه كون اتروح وبگلبك اللهفه والعباس أشرلك إبجفه جا شتريد إركضله وتحفه يالمشاي عدوانك إهوايه زله إتريد لو حتى بحجايه إمشي و صيح ياصاحب الرايه يامولاي سجلنه مشايه ولا أتعب ولا أرجع ونا أفدي النفس انا أوصل الى قبرك اذا خلف الشمس ويه حر الظهر إمشي وأحسب أجر هيه الگاع مشتاگه لأيامك خل ترتاح وتقبل أقدامك يالمهيوب من شدة إحزامك جن فزاع والعركه جدامك كل هالناس احسبها عائلتك والنسوان أمك تره و إختك والزهراء ما اشكن إبذمتك بس تحذير وهوايه راصدتك أبو غيره على بختك ولا يفرح عدو ولا ترضه على منكر كفو منك كفو خلي بيدك جمر إمشي واحسب أجر للتحذير والقصه مو سهله والأضواء تركض عله الزله هو حسين وكت الحرب صلى يعني إبهاي عله و ألف عله بالآذان من تسمع إتمهل صلي وروح والباري يتقبل واعرف زين مو كلشي يتأجل كل الخوف لو سيدك يزعل أبو الاكبر تره ينظر اذا صار الفرض واذا ترفض شكو واجب تره حصتك رفض من تنفذ الأمر إمشي واحسب أجر ماكو فلان زاير صبح إسمك واهل الخير گدامك إتحشمك كلها إتريد تتشرف تخدمك أامر گول كل الخدم يمك ذاك الشاب هم زاير وخادم هذا الشاب جن للحرب قادم ذاك وذاك موقف شهم حازم متعلمين من فزعة القاسم هي ثوره وهي فزعه وهي صولت شهم ولاسهله تره إلها فده راحت زلم بالدمه والصبر إمشي واحسب أجر بالعطشان خل يلهج إلسانك للإعلام خل تظهر أحزانك صوتك سيف والممشه ميدانك حيدر صيح تتأذه عدوانك قائد صير واليخطأ إتحذره كل إعداك تتمنه بس ثغره صير إدموع للينعه واليقره والحسرات تسمعهن الزهره تره تعرف منو قصر منو للطف يحن وهي تنظر من يضحك منو شايل حزن يالتحس بالكسر إمشي واحسب أجر غمض العين واتصور إشويه شنهو ايصير بالأربعينيه إيد إبإيد والهوسه شيعيه حتى إنروح نتلگه مسبيه شتريدين گولي يبت حيدر مو حراس خدامج و أصغر هالأعداد وبكل سنه أكثر جم مليون يستقبل الخدر إذا للطف أكو رجعه وانا أحجي إبفخر منو يحرگ منو يسبي منو يمنع نهر هالتجمع نصر إمشي واحسب أجر عالخدام لا تبخل إبشكراً صار إبداع بالخدمه والأهلاً وي الضيف بالسفره تتفنن سهرانين يازاير إطمن يتلگاك جن خيمه محترگه وتطفيه وتبرده بالملگه من إتروح يتحسر إبحرگه الله أوياك وي دمعة الفرگه أبو موكب أبو خدمه هله تلحگ هله اذا زاير يجي يمه ولايذكر هله يستحق الشكر إمشي واحسب أجر شاعر: السيد عبدالخالق المحنه