أمشي اشما يمنعون

أمشي اشما يمنعون أمشي و انطي العيون أمشي و آنه ممنون أمشي أكو ابكل بقعه من هالگاع وفايه نطوا لحسين دمهم و انطوا احچايه من الأهواز رفت للخدم رايه و اجوا يوم اربعين احسين مشايه حلفوا لو يموتون حلفوا ما يتعبون حلفوا و ابعشگ جون أمشي على غرة صفر نطلع فدائيه او نخلي ابكل شبر رايه حسينيه نهز گاع العراق ابصرخه شيعيه هله ابزوار يوم الأربعينيه ثوره هذي كل عام ثوره و احنه خدام ثوره اويه اليزورون أمشي تحدينه المصاعب و الخطر كله نضيع كلشي بس احسين نندله و اذا الرجلين تعبن زحف نوصله يبقه احسين قبله او قبله للقبله رايه شبگت الريح رايه والله متطيح رايه فوگ المتون أمشي مواكبنه تحضرنه او بنيناها تره الزوار نفرح لو خدمناها أحله ايام بالموكب گضيناها ابهاي الخدمه عند الزهره نتباهى خدمه كلشي منذور خدمه للمشه ايزور خدمه كل سنه كون أمشي من أقصى الأراضي الشوگ يدفعنه تفرقنه الدول و احسين يجمعنه اشچم جلاد حاول قبل يمنعنه يذبحنه او نصيح احسين يسمعنه صرخه واحسيناه صرخه نبقه وياه صرخه هزت الكون أمشي على الميعاد مشايتنه متحضره او يوم الأربعين ابنار ننتظره ابراية يابو فاضل تنطلق ثوره نهر زوار من البصره للحضره نطلع رغم الاخطار نطلع كلنه زوار نطلع خل يشوفون أمشي بعضهم ينتقد و امن المشي يسخر و احنه اشما حچوا أكثر بعد نكثر و اذا ذبحونه نكتب من دمه المنحر نعيش انموت خدامك يبو الأكبر والله أبقه مشاي والله و ارهب اعداي والله ما يأثرون أمشي