٢٠ جمادى الأول ١٤٤٨
كلمات المقطع
أريدك تجيني اتغمض العيون...أريدك يخويه اويه اليشيعون
تدخل اوياي القبر...تحسب اجروحي اشكثر...اتغمض العيون
أنا بعازة حضورك يا كفيل أختك...قبل قطع النفس يا با الفضل ردتك
عفت عمري اعله جرف الشاطي من عفتك...ترد روحي البدنها ابعيني لو شفتك
غريبة و عليها اتناخت الناس...غريبة و مصابي ايشيب الراس
من بعد ذاك الخدر...تحسب اجروحي اشكثر...اتغمض العيون
وحيده اشلون أموت و خمسة خواني...و لا واحد حضرني و صار دفّاني
لون تقره الثكاله قصة أحزاني...تظل ليل و نهار ابنوح تنعاني
وحيدة و تفرق شمل الأحباب...وحيدة و أتاني اليطرق الباب
عيني تربي و أنتظر...تحسب اجروحي اشكثر...اتغمض العيون
جروح أختك صعوبة اعليك تحسبها...عددها اتشوفه أكثر من مصايبها
أخبرك يا جرح زينب امعذبها...سهم عينك بعين القلب صوبها
جعلها تنازع سكرة الموت...جعلها تندبك بآخر الصوت
ليلي مظلم يا بدر...تحسب اجروحي اشكثر...اتغمض العيون
إذا رايد تجيني اتغمض اعيوني...على هونك تراهي امجرحه اجفوني
يعباس و بعد وصي اليدفنوني...تراهي ما تزال امورمه امتوني
يخوية تراني بس العظام...يخوية خوتني طبت الشام
لو شفتني ابيا صبر...تحسب اجروحي اشكثر...اتغمض العيون
قبل موتي انتظرتك تجي و أحجيلك...من ساعة وداعي اوياك أبديلك
قصص تدمي القلب يا قصه أرويلك...جم مره الصحت يا كافلي ادخيلك
عليَّ ظلام و خيم الليل...عليَّ أشاهد هجمت الخيل
من صحت لا تعتذر...تحسب اجروحي اشكثر...اتغمض العيون
عله النوق الهزل من رحت مسبية...أكابر و المدامع تغلب اعليه
عمر من أوله الشهقات تاليه...قضه بحسرة و بقه بس النفس بيه
شماتة رمتني اسهام الأنظار...شماته ولتني و تركت آثار
أبجي و ادموعي اشكثر...تحسب اجروحي اشكثر...اتغمض العيون
لون عبدالله عنه رايد اتنشده...مثل حالي تراه هم بقه الوحده
ولد عمه و أخوته راحوا وولده...تره و غير المدامع ما بقت عنده
مصابه يخويه يبجي الجبال...مصابه مصابي يشده البال
ينطي وجهي اليا كتر...تحسب اجروحي اشكثر...اتغمض العيون
غريبة و الزمان القاسي دوهني...بعد ظل بس صبر قلبي اليجفني
من أهلي و لا واحد نشد عني...يشيل اجنازتي و القبري يدفني
نخيتك و أتاني برجاك...نخيتك كفيلي لازم أنخاك
ردتك بتالي العمر...تحسب اجروحي اشكثر...اتغمض العيون
الشاعر السيد سعيد الصافي الرميثي
