بيض الله وجوهكم

فاطمــة الكل تقدمونـــه تراقـــب بيض الله وجوهكم يهل المواكب تشوف شتقدمون انتم والدموع بعينها تشوف حب الصدك كله بعينكم لحسينها بيكم تمر نعمه وشكر بجودكم تتباها تصيح بألم هاي الخدم يا الهي ارعاها اتظل تنادي بصوتها ومدمعها ساجب بيض الله وجوهكم يهل المواكب بكل صباح وكل مسيه تطوف يمكم روحها من تشوف الوفه بيكم تنسه كل جروحها يهل الوفه جرحي شفه من شفت افعالكم يوم الحشر الكم ذخر بيها يا هنيالكم بالشفاعه الكم تظل فاطمة اتطالب بيض الله وجوهكم يهل المواكب انت سويتوا العجيب البي بقت محتارة حسين ابنها كلشي عدكم يرخص الزواره كلشي نذر حتى العمر المهم ترضوها تصيح الكرم بس للخدم الدمعتي نشفوها بالكرم عديتوا عالسبع العجابب بيض الله وجوهكم يهل المواكب عدكم اطول سفره تنمد ما مثلها ثانيه بيها خيرات الله كلها والقطوف الدانيه الجنة اجت واتعجبت بسفرة المشاية كلشي انوجد وبلا عدد والحسين الغاية بالسمه تلكون جف حسين كاتب بيض الله وجوهكم يهل المواكب تشوفكم تتنافسون شلون نخدم زايرة كل سنه فكره جديده من كبل ما صايره صار السهر عدكم فخر حتى يغفه الزاير اتنادون اله الف هله ولجلك احنه نساهر تضل شمسكم تضوي مابين الكواكب بيض الله وجوهكم يهل المواكب