٢٣ ربيع الأول ١٤٤٨
كلمات المقطع
توجّه للحسن / وادموعه تجري / هاجت اشواقه / للأخو الغالي
أسف يمشي الزمن / والدنيا دارت / ليته اوّل ظل / ما لفى التالي
ياخويه وينك / وحشتني عينك / عنك زمان و صورتك / تسكن / ما فارقت خيالي
عِشنا الأُخوّه / بمعنى المُروّه / عِشنا الإمامه يم بعض / عِشنا الوفا ليالي
لزمتك طول العمر / قُرُبنا ظل مستمر
وابد ما لحظه تمر / إلاّ بوجودي يمك
تذكر في أيام النبي / ذاك الزمن أجمل الزمن
نجلس في حضنه بكل شرف / بس نشعر بحضنه وطن
تذكر كبرنا يم بعض / نتقاسم افراح و شجن
واللي سأل وين الحُسين / قالو له بجنب الحسن
غير الأمل / ما عشنه / رب البشر / ميّزنه
وامنا مشت / للجنه / تالي الأبو / ودعنه
عقبه الدهر / عذبنه / والسم إجى / و فرّقنه
السم جرعته وياك / موتي انكتب بليّاك
يل تدري شنهو معناك / في قلبي
واليوم اشوفك مدفون / والمفترض يمي اتكون
ممنون اتبعك ممنون / في دربي
قوم اوياي خويه / ضي عيناي خويه
نتشارك الهَم و البله
شوف اشصار خويه / قلبي احتار خويه
يالمُجتبى احضر كربله
مدري أوقف يم جسد لكبر وانوح
لو لمصرع جاسم العريس اروح
آنا مو روحين اخويه عندي روح
ضاعت الحسبه بكثر عد الجروح
آه يالحسن أريدك / تحضر لي من بعيدك
نوقف على المصارع / واتلازم ايدي إيدك
إنته صوب الجاسم اتودعه بحنين
وآنا صوب الأكبر بقلبي الحزين
تالي نتبادل مواقعنا بونين
واحنا بالله وحكمة الله مؤمنين
عقب البتوله ضعنا / وبكربله اجتمعنا
فرّقنا خويه موتك / موت الوِلِد جمعنا
زينب تسمعه / وتنظر مدمعه / صاحت ياعلي شوف اللي عيني شافت
هذا احسين يون / من فرط الحزن / واطياف الحسن بعيونه چنها طافت
يحسين انا اللي جنبك / قلبي بقى اعلى قلبك
يا بوعلي أحبك / عنك ابد ما أبتعِد
يحسين انا العقيله / هات العذاب اشيله
لو أرتمي قتيله / بس لا يموتن هالورِد
يا مظلوم / الحسن دمعي يجري في بقيعه
يا محروم / وانته يمك بوفاضل و الوديعه
خذ يخويه عمري / وانْ طلبته نحري
أدري عن شعورك / والله والله أدري
من وقع شبابك / وآني دمعي يجري
ساعد الله قلبك / وانته باقي صبري
