حلم مذبوح

عـلى عيونج يزينب حلم مذبوح كـل عـينج دمـع بـس ما بجيتي بچيـتي جـروح طهرتي المسافات كــل خـطـوة يـسر مـنبر بـنيتي يـا هـيبة عـلي دخـلت على يزيد خـورزتـي الـزلـم و اتـسـيديتي نـظرات الـزعل بـعيونج سيوف ذو الـفقار صـوتج مـن حجيتي سـفينة هم سريتي ببحر الدموع عـلى سـاحل مـصايبهن رسـيتي اسـمحيلي يـزينب اسـأل الـيوم انـتـي هــواي مــن اتـحـمليتي لأن مـجـبور اســألچ عـاليأذيچ و ادري بــيـا مـكـان اتـألـميتي اسـألچ يالغريبة و چلچل الليل و حـارس لـلحرم انـتي إلبقيتي اشوفچ چان بيدچ معصب يلوح احـلـفچ بـالـضلع إلـمن نـخيتي نـخيت إلـكالفچ مـقطوع الزنود مـعـذورة لأن وحـدچ صـفيتي مشيتي بغير طولچ خاف ينشاف ضـم روحـه الـنهر لـمن مـشيتي كـل جـرة نـفس ويـاها عـباس لاچن مـن وصـلتي لـه اشلقيتي غمضها السهم وحدة من العيون بــس الـثـانية اتـشوفچ اجـيتي صـفت انـتي وكفيلچ محد وياچ مـسـموح الـعـتب لـو عـاتبيتي شـقلتي لـه يـزينب قـوم ويـاي ويـاه جـلمة عـتب بيها ابتديتي اشـقلتين لـه يزينب وين الوعود مـو انـت إلـقت قـومي بـحميتي عـمود البيت انت الشايل البيت تـدري مـن يـطيح يـصيح بيتي شـقلتي لـه يـزينب قـوم ويـاي مــن شـفـتي الـزنود اتـعذريتي صـحتي بـشاربك آنـه يـعباس مــا رف شـاربه مـن حـشميتي راويـتـي يـزنـب زرقـة الـمتون لــو لا بـسـهم عـيـنه الـتهيتي لــو مـديتي ايـدج تـلزم الايـد مــن شـفـتي الـزنود اتـعذريتي قـلـتيله الـخدر يـا ابـا الـفضل راح حرقوا خيمتي و طبوا ثنيتي قـلتي لـه صـحت وينك يعباس يـضـحك شـامـتج و اتـسلبيتي كـل هذا الحچي ما ينهض وياچ قـمـتي بـيا جـرح مـن أيـسيتي عـلـى طـولج جـرح لـمن تـقومي مـثل حـسين مـن قمتي انحنيتي رجـعتي إلمن رجعتي بس الايتام يـسـألونج يـعـمة شــو بـطـيتي اعرفج بت علي قد هاي الاحزان مـثل عـباس يـا زيـنب وفـيتي نـعم فوق الهزل و الرووس وياج نـعم عـقب الخدر ذاك انسبيتي بـس الـكل تـشوفج اسد مجروح كـلـها اتـميل عـنج لـو مـشيتي اعـذريـني يـزيـنب لا تـزعلين و آنــه بـدمـعتي اتـبين هـويتي