مالك الروح

هذا اني الغير حبك ما عرفته ترحل الخلان واترد وانت انت مالك الروحي وصرت يحسين عبدك اني ليل امصاب ما مر فجر صبحه الخادم اللي لو يمر اسمك يجرحه اني من جمر المخيم بيه نفحه ولو يمر طاري الخدر جفني يذبحه هذا اني اباب كل مجلس وقفتي منهضم واجري اعله عاشورك دمعتي بيه مسرى النفس تسري اعطور ودك مالك الروحي وصرت يحسين عبدك اني من اتمرض اتداوه بترابك ومن يذبني الوكت شندل غير بابك بكلشي أرضه المهم بس خادم جنابك حطب بيه تطبخ الناس بثوابك هذا اني الكلبي مجنون بهيامه وادري نارك برد يحسين وسلامه كبلي بيها أمن إبراهيم جدك مالك الروحي وصرت يحسين عبدك الما عرفت بدنيتي بس الشعائر حتى اسمي صارت اتعرفه المنابر عله اخدودي بدمعي راسمها المناير حتى كل يوم انحسب يحسين زاير هذا اني العايش بخيمة خدمتك دهري ينثرني وإليه اتلم رحمتك لو الي تبعد شلي بالروح بعدك مالك الروحي وصرت يحسين عبدك لو حجو عن بشر دوم بعينه دمعه صار يعقوب الزمان ونوحه طبعه لو تشوف اعيونه باب يلجمه ضلعه ولو يمر من يم نهر جفه يكطعه هذا اني البيه حسره اعله الزجيه وبيه ريحة وفه أمن أرض الغاضريه عسى ادموعي تنقبل يحسين عندك مالك الروحي وصرت يحسين عبدك اني ما بين المواكب شاع صيتي بدمع زينب اني مختومه هويتي درب كبرك صار يعرفها المشيتي تشهد الزوار عني وعن تحيتي هذا اني الزاير انص روحي اضمه أنزل اعله اتراب رجليه واشمه وبالحشر يحسين أبقى انتظر ردك مالك الروحي وصرت يحسين عبدك