أشتاق وأحتار

أشتاگ وأحتار وين لوردت أشوفك بعدوك منعوك ليش يردون أعوفك مشلول حال .. مشغول بال بعيوني لجلك دمعتي بس أرمش إطيح وإبروحي شوگ المختنگ وإبعازة الريح بعدوني عنك والگلب ضل بسمك إيصيح صومي وصلاتي امحبتك وانته التسابيح غرگان وإبروج ماي مشدوده إديه وأنخاك وادريك بيك تلحگ عليه والجور طال .. مشغول بال گالولي بسهام إنظرب نعشه اوبچيتك وبروحي لو يمك چنت منهم حميتك والادهه ياسبط النبي يوم اللگيتك إبيته رفضو تندفن. والبيت بيتك بحرام تنطاف كون أحرم وجيلك أشواط لله بيك أسعى إبسبيلك مهجور ضال .. مشغول بال جعده اللعينه السمتك طاعه الأميه وطاعه الغرور ام الجمل ضد الزچيه منها إبتده كل ماجره بالغاضريه وإمسلمه دولة فاطمه الهند اوسميه اسباب والصار صار كله إبسببها والنار بخيام نار شعلت لهبها والراد نال .. مشغول بال لوتدري بحسين اشجره من رادك البين بس شافه گبرك ينحفر صاح السفر وين ناده يحفار الگبر إحفرهن اثنين بالفاسه سويهن سوه للحسن وحسين گبرين لثنين صاح واكتب عليهم مسموم مظلوم ذول فدوه النبيهم والجود شال .. مشغول بال عالاربعه أم الاربعه هين حزنها انته گلبها والگلب مشلوع منها ياعينها ماغمضت واطبگ جفنها هذا انته ابنها لا وعز حته امن ابنها واتشوف كل يوم سور گبرك قصرها مهدوم مهجور صار يشبه گبرها عالشوگ دال .. مشغول بال يبن أمي زينب نادتك يا أبوالغيره من هسه راح آني استعد للشام أسيره تدري بحسينك لوغبت بالطف مصيره صدره يدوسونه إونلم جسمه ابحصيره ينداس بالخيل فوگ صدره رضيعه وايطيح عباس ميت فوگ الشريعه والخير زال .. مشغول بال ياخويه گلك من حظر عباس الاوداع گلبي تفطر يالحسن انصاف وارباع انته السمه وآني الگمر هسه الگمر ضاع شنهي الگمر كون السمه مدفونه بالگاع بجفاك ماريد ريت روحي إبدنها لوما لم عون عون دم انطي عنها نهران سال .. مشغول بال مايبقه گبرك من حجر لا مانعوفه گبه ومناره من ذهب نرجع نشوفه ياهله إبزوار الحسن نقره ابحروفه عدنه عقيده مو وهم كعبه او نطوفه ايام وانعود بيك ننصب عزائك واتشوف رايات سود من كربلائك كل صوت گال .. مشغول بال