بدمعتي على الناگه

بدمعتي عالناگة ومشتاگة لكفيلي لشوفته عطشانة وسهرانة يليلي صاحت جروحي سوه وين شيال اللوا ابو فاضل حركوا الخيمة اطلعت بالهيمة وركضتي ببين الزلم صعبة عليه شابجة العشرة وطحت جم مرة من المخيم لحد تل الزينبية صحت يالكافل ها يبوفاضل حسين داست فوكه خيل الاعوجية حرم ظلينه من يبارينا الليل اجاني ياكمر وشلون بيه الحگ على خيامك وايتامك ولوها الاخت تبقى بحيرة من تفكد اخوها صوتي تارس نينوى وين شيال اللوا ابو فاضل اسمع الحادي بكربلا ينادي جتفوا زينب بالحبل فوك الهزيلة بعد واليها كون نسبيها عكب ابوفاضل بدا سبيي العقيلة حجايته تهضم وعالوجه وعالوجه كتله خدري ظل ابوفاضل كفيله ما اطخ راسي بزود عباسي يدير راسه عالرمح من اشتكيله هذا راعي الغيرة والغيرة صفاته راسه يمشي ويانا متكفل خواته وعالسبي الحادي نوه وين شيال اللوا ابو فاضل رحت للكوفة بحبل مجتوفة واذكرت ايامي بالكوفة اميرة كبل مهيوبة هسة مسلوبة شلون دنيا الطلعت زينب اسيرة عيال ابو السجاد كبال ابن زياد وسبعة الي ومافزعت ترده العشيرة هنا صحت عباس لايبو النوماس انه حرمة بنص عرب ماعدها غيرة شهم ادري بطبعك ماسمعك عتابي ولو تطيح متوني مايوكع حجابي خدي بدموعي ارتوى وين شيال اللوا ابو فاضل الشام اه يالشام جرح ما يلتام بالخرابة كعدوا كل النساوين وانت عني بعيد وسأل عني يزيد صاح زينب وينه شيال العلم وين تشمت بحالي وخالة عيالي وشماتة ضحكته يم راس الحسين صاحت الدمعة هناك كمت انعى انه زينب ويني ووين الدواوين ونة تسبگ ونة واتمنى المنية هايه اخر لوعة من ماتت رقية جرحي ظل بلا دوا وين شيال اللوا ابو فاضل