ضياع

وداع ضياع باجر اظل بغربتي بچيت و اجيت محنيّه لوداع اخوتي بخيمتي وحسين اجاني وتچّه ظهرة على العمد شفت دمعاته اعله شيبه باسني براسي وگعد گال آخر ليلة يمّچ ماتشوفيني بعد گومي ودعيني يَخَيّتي گالها وگلبي انمرد اصيح و اطيح والطم بديه جبهتي التويت و اجيت محنيّه لوداع اخوتي اغله انسان بحياتي گال عنّچ راح اروح اثنينّه سكته بچينه روح وتوّدع الهاروح ودّعِت كلشي احبّه وعشت دنيه من الجروح النوح ريته يردلي غالي اسنيني كلها اگضيها نوح الحبيب يغيب ويتركني آنه ودمعتي شكيت و اجيت محنيّه لوداع اخوتي والتِفَتّ وشفت رمَله حاطّه حنّه وشمع عدها عرّيس شحلاته وحانيّه اعليه الضلع اتگلّه يُمّه الليله زفتك ليش ماخذني الدمع اتدنّه خليني اشمّن عطرك الماينشبع زفاف و اخاف تطفه يجاسم شمعتي انحنيت و اجيت محنيّه لوداع اخوتي اهناك خيمة بيها ليله وبيها دمعتها تهليّ اتگلّه يالعشرين عمرك ليش ما مقسوم اليّ اوگف بطولك اگبالي يابعد عُمري وهَلي ينگطع سبّاح گلبي لو عفتني ياعلي تروح و انوح بعدك اظل كل دنيتي انتهيت و اجيت محنيّه لوداع اخوتي والكسر گلبي وهضمني ياخلگ حال الرباب اتحاچي عبدالله وتِگّله تعبي رايح للتراب حسّبت تكبر ييُمّه وهم اقولن عندي شاب حرمله باچر يذبحك والحلم يصبح سراب رضيع تضيع ياريت گبلك ذبحتي اشتكيت و اجيت محنيّه لوداع اخوتي بخيمتي آنه ودمعتي وطب عَلَيّ راعي العلم گتله ياعباس باچر ما اشوفك بالخيم حطني بعيونك يخويه لايطفّيها السهم يطيح معصب راسي لو راسك بعامود انهشم ابن ابوي يخوي باچر هزيلة ناقتي انسبيت و اجيت محنيّه لوداع اخوتي