يلمسافر

يالمسافر عمري ما يسوه واطشنه وراك يالمسافر راح اطش اسماء اولادي بگفاك والخاطر الدارك ترد مو ماي اثوبلك ولد عمري لو يسوه واگلك يا هواي چان طشيته مثل طشة الماي سنيني اطشرها يمحبوبي برضاي كلشي خلي يروح وانته كون جاي يمحبوبي … افرش عيوني واگللك تعال يمحبوبي … سحگت جدامك جواب لكل سؤال لو رايده اخلد بالمجد … مو مال اثوبلك ولد شنهي اولادي بوجودك يا حسين هيج اريدهم عليك مگطعين سيوف ورماح واريد سهام عين واعز واحد كون اشوفه بلا ادين يالوداعك … يخنگ الدنيا اليعيشها ضواك يالوداعك … شالع عيوني بچي دور رضاك لو ينقفل طاري البعد … مو ماي اثوبلك ولد تاكل بگلبي على فرگاك الجراح وانته ذيچ العافية البيها استراح صحت بالدار برحيلك كلشي راح واسمع تردلي الحياطين الصياح يالبدونك … توگف الدنيا وبعد ماعندي راي يالبدونك … يعبر الريتي لچن يخنگ هواي هذا جوابي من انشد … مو ماي اثوبلك ولد حلفيتك يا عشگ ثيب الثگيل حچاية گلي يجوز ارجع يالخليل الما يشوف العاشگ بعينه ذليل والحياة بدون عينك مستحيل يالعيونك … عافية ومن نضرتك كلشي حلال يالعيونك … ترسم الضحكات بشفاف الدلال ما افرش بدربك ورد … مو ماي اثوبلك ولد حچاية اليمكن خذت من عندي كون حارة ومرة وتطيح وي العيون ولله اذتني يمحبوب الضنون تدري ما يتحمل الگلب الحنون لليتاني … الساعه اكثر من عمر واحد غريب لليتاني … ينكسر ظهرة المشة وظهر الحبيب وگتلك اذا جاسك برد … مو ماي اثوبلك ولد شاعر : علي عباس الربيعاوي