حديث الساقي

أمر حسين فوگ العين أمر العلي العالي و لأجل الدين هالچفين يابو الفضل يالغالي منك الكون إنبهر والله يالوافي و جوهر العزة الظهر نبعك الصافي يا بطل عزمه نهر للشدد كافي خذنا من هذا الدهر لحضنك الدافي يَبو فاضل وينك على بابك دنيانا ظمى كلها لعينك لوفاءك عطشانه إنته الوفي ما مثله وافي مثل أطباعك لا ما نوافي ضاعت وين بالشطين و مات النهر بجفونك تروي البين بالزندين و ترمي السهم بعيونك يالما غيرك صعب الإرادة راسم دورك بأمر القيادة أمر حسين فوگ العين أمر العلي العالي و لأجل الدين هالچفين يابو الفضل يالغالي حيَرِت ماضي الألم و العذاب الجاي يالي سيفه ما رحم حتى گللب الماي بكربلاء والله شهم يا سديد الراي ما عرف لحظة ندم طرفك الرماي بطل و غضباتك هالعالم يرويها جبل و وگفاتك يا سلام الله عليها مالي عينك عفه و زهاده و ناهي سنينك بأعظم شهاده بالرمشين تفصل بين درب الإبا و الذلة و عن حسين و معنى حسين بالشدة ما تتخلى يالما غيرك صعب الإرادة راسم دورك بأمر القيادة أمر حسين فوگ العين أمر العلي العالي و لأجل الدين هالچفين يابو الفضل يالغالي يالي دورات المحن ما خذت منه ما يبيع بأي ثمن موطنه الجنة يالي في كل شي سكن و اسألوا عنه منحفر ويا الزمن حتى في الونة على طول أنفاسه بگى يحمل هالراية و هو منه راسه كتب بدمه آية أول آية في السورة عينه و آخر آية ضربة جبينه و چم آيات من طعنات بين الوفا و ديونه لكن دار بالإصرار دور الجفن بعيونه يالما غيرك صعب الإرادة راسم دورك بأمر القيادة أمر حسين فوگ العين أمر العلي العالي و لأجل الدين هالچفين يابو الفضل يالغالي الشجاعة تعلمت من بطولاته و الجراح تكلمت عن جراحاته گللبه عاش بكربلاء أغلى ساعاته ما بگى موت بشرف بيها ما ماته وگفت رجلينه وگفت لآخر گطرة و سبگت چفينه لحظاته للزهرا إنته الساگي و إحنا العطاشى و بهالدنيا تنسانى حاشى شيل الجود يالموجود وسط الگللب شاطيه يالمذبوح و اسگي الروح بالعزة و الحرية يالما غيرك صعب الإرادة راسم دورك بأمر القيادة أمر حسين فوگ العين أمر العلي العالي و لأجل الدين هالچفين يابو الفضل يالغالي شاعر : عبدالله القرمزي