عجائب المشايه

تعالوا شوفوا اويايه عجـائـب المـشـايـه هـذا رفـيـف الـرايه دوه العــيـن درب المشي إعجوبه كل خطوه بيه مهيوبه سيرة عشگ مكتوبه للحسـيــن هالفـقـره عالفـطـره سوّت موكب شكبره ما عدها ملايـيـن و ترحـب بالملايين وآنه اكتب متعجب رفعوا قطعه بالموكب نحن الفقرا و اغنانه الله بحب حسين هـذي وادم فقـيـره و الله غانيـهـا غـيــره يقدّم الضيفه كرسي و هوه صاحب حصيره حتى بيتـه الزغـيّــر بـيـه يضـيّـف عشيـره يگول احنه شنهو انطينه ابجيب الحسين ايدينه واليمشي فضله اعلينه يظل دين فاز المشه المحبوبه كل خطوه بيه مهيوبه سيرة عشـگ مكتوبه للحسـيـن عالـنـيّــه القلبيـه شفت امنه الجنوبيه المتعوبه و أبد ما بيها قوّه امعصّبه الراس بالخدمه متحزمه و اتعادل ألف زلمه متحزمه ابعلگ بيه ريحه من شباچ عباس هالكرامـات احسـهـا غيّـرت بينه كلشي العمره سبعين اشوفه ابلايه عكازه يمشي أفتخـر بالمَـشــاهـد والدمع مالي رمشي هذا العزم من حبنه و احنه قوي صاحبنه انحبه نظل و يحبنه للسنين ابرفعة قدر مصحوبه كل خطوه بيه مهيوبه سيرة عشگ مكتوبه للحسين مو صدفه مستشفى الكلمن حالته كلفه الحل الكل مرض وافضل دوه تراب الزياره إلطايـــح والــرايـح رد الديرتــه صـايـح سوّاها الحسين ادخيله وانطـاني البشاره والدعاء اعلـه بابـه هوه أحسن طبابه سرّ ابو اليمه الاعظم حيّر الطب ترابه عافيه دنيا و أخرى للي يبچي لمصابه ألله رزقـنـه ابحـبّـه يقضي الحوائج دربه صرنه بطريقه صحبه ملايـيـن الدربه الخدم منسوبه كل خطوه بيه مهيوبه سيرة عشگ مكتوبه للحسيـن بالمنظر هيه ازغر بس تستوعب و أكثر والله كربله الجغرافيه احتارت بامرها تتوســع تتشـرّع بيها الدنيـه تتجمّع تشعر كربلـه بالاربعينيـه اشكـبـرها هالعدد كلّـه لكــن لا نـزاع و مـشـاكـل أخوه تستقبل اخوه فتحت الها المنازل وَ كأنّ ابچـفـوفــه لم شملنه ابو فاضل كافلنه عـم السـاده حاسبنه مثل اولاده وزّع عليـنـه امـراده بالايـديــن نمشي الدرب باسلوبه كل خطوه بيه مهيوبه سيرة عشـگ مكتوبـه للحسين مشــايـه عالغايـه يا زينب على الرايـه نستقبلها بدموع الحزن هذا النريده انماشيها انحَيّيهـا جابت حگها بيديها أهلاً بالسِبت شام العده و ذلّت يزيده والله ذلّـت أميــه سيدتنــا الكبيــره رغماً اعله الشماته تبقى زينب أميره اتأسّر اللي سبوها هـيـه أوّل أسيـره زينب إجت منتـصـره ذلّـت يزيـد ابقصـره حيّوها بنـت الزهـره يمـاشيـن ابمنهجها ما مصيوبه كل خطوه بيه مهيوبه سيرة عشگ مكتوبه للحسيـن ..………… شاعر ميثاق الحمداني