اعلان عزاء

امنيتي اسمع نداء .. لن المهدي علن باجر انصب عزاء .. وبصحن ام الحسن بس المهدي .. هو يقرر.. منهو اليدخل للقبر منهو اليدخل .. منهو اليطلع .. خل نفهم هذا الامر خل نفهم هذا الامر هناك مو كافي الدمع كله دك فوك الضلع هالشرط والمهدي هيهات ..مايعوفه كلها عشاكت لطم تطبع الجف بالعضم مجلس اتحير السموات .. من تشوفه كون مجلس كله صرخه صرخت الذبت طفل مثل صرخة قلب زينب من ضربهم هالنذل كل المجلس يصيح ..ويلاه يافاطمه محظوظ الي يطيح ..وضلوعه مهشمه لمن يقرا مصاب الزهره.. وتنزل دمعاته الحمر منهو اليدخل .. منهو اليطلع .. خل نفهم هذا الامر خل نفهم هذا الامر مايريده البس حجي كون من طبعه البجي كون حاضر بالروايات.. الفاطميه صدره شايل اوسمه من مجالس فاطمه مامجامل ولو لحظات .. بالقضية حتى بالمجلس يقله اليوم يوم الجائزة انته صار سنين اشوفك حيل تلطم بالعزه ما مسموح الدخول .. للشكك بالمصاب وللسولف عالبتول .. ما محروق الهه باب يطلع بره .. الشك بالعصره .. بقبر الزهره مايمر منهو اليدخل .. منهو اليطلع .. خل نفهم هذا الامر خل نفهم هذا الامر كل خدمهه فاطمه مسجلين بقائمه حتى ذاك الوزع الماي .. هم يجيبه حتى يصرخ بالصحن هذا ماي ام الحسن جان هذا الساقي وفاي .. للحبيبه اليوزع ماي بيده ويسقي بأصحاب الدمع هذا مو ماي اليوزعه هذا بلسم للضلع هذا موقف اكيد .. لا ماتقبل جدال الصار من العبيد .. عد مشكاة الكمال خادم امه ..سلطان .. ويأمر أمر منهو اليدخل .. منهو اليطلع .. خل نفهم هذا الامر خل نفهم هذا الامر القضة بالمجلس عمر وصار جثمان بقبر لو يصير ابين الاموات .. هم يرجعه أي يطلعه من الجفن يلطم اعله ام الحسن يدري شابع قلبه حسرات .. على البضعة اليموت وجان ناذر كل حياته لفاطمه باجر المهدي يجيبه لون مدفون بسمه لو ميت من سنين.. وصاير تحب الترب المجلس من يحين .. اول واحد يطب باجر يرجع ..ويصب مدمع.. يهديله المهدي عمر منهو اليدخل .. منهو اليطلع .. خل نفهم هذا الامر خل نفهم هذا الامر ما نريده البيه وعي كون عايش بالنعي وبالليالي الفاطميات .. فكره سارح يبجي من قلبه صدك عنده بس هذا العشك كون دمعه بوجنته اتبات .. مايبارح القلبه ماحس بالمصيبه بالعزاء اشنزله ليش اصلاً هو داخل خل يرد لمنزله الجان بكل مصاب .. ما يلطم عالصدر يسمع هذا الجواب .. ارحل لا تنتظر المهدي مأسس هذا المجلس لاهل الحزن المستمر منهو اليدخل .. منهو اليطلع .. خل نفهم هذا الامر خل نفهم هذا الامر شاعر حسين طالب السماوي